Viđa sámegielat teavstta šáŋŋerdovdomearkkaid guorahallan
Sammanfattning: Dán barggus lean guorahallan teavsttaid šáŋŋergullevašvuođa, ja lean iskan gávdnat gokte dilálašvuođakonteaksta váikkuha teavsttaid hápmái ja gillii. Vuolggasadji lea systemalašfunkšuvnnalaš grammatihkkamodealla jurdda ahte visot gulahallan dáhpáhuvvá muhtun konteavsttas, ja ahte giellageavaheaddji mudde giela dilálašvuođaid mielde. Mon lean dán barggus geahččalan čielggadit konteakstadoahpagiid ja šáŋŋerčilgehusaid, ja daid vuođul guorahallan vihtta iešguđetlágan teavstta. Mon lean gávdnan ahte juohke teavsttas lea vissis ulbmil, mii boahtá oidnosii giellaválljejumiin ja struktuvrras. Mon lean veardidan teavsttaid ja gávdnan sihke erohusaid ja seammasullasašvuođaid. Loahpalaččat lokten šáŋŋer- ja konteakstaipmárdusa mearkkašumi skuvllas ja oahpahusas. Lea dehálaš ahte oahppit besset ovddidit sihke čálalaš ja njálmmálaš gielalaš gelbbolašvuođa, ja ipmárdus konteavstta mearkkašumi birra gulahallamis lea okta oassin das.
HÄR KAN DU HÄMTA UPPSATSEN I FULLTEXT. (följ länken till nästa sida)